ယူနီကုတ်ပြောင်းလဲအသုံးပြုသူများအတွက် ဝက်ဘ်ဆိုက်နှင့် Hot Lineဖုန်းနံပါတ်တစ်ခု စတင်ထားရှိ

  ပြည်တွင်းမှ နည်း ပညာထုတ်ကုန်အသုံးပြုသူများ အနေဖြင့် မြန်မာစာစနစ်ကို ယူနီကုတ်စနစ်သို့ ပြောင်းလဲအသုံးပြုရာတွင် အဆင်မပြေမှုများ ကြုံ တွေ့လာပါက ဖြေရှင်းပေးရန် Unicode Technology Support (UTS) အဖွဲ့တည်ထောင်ကာ ဝက်ဘ်ဆိုက်တစ်ခုနှင့် Hot Line ဖုန်းနံပါတ်တစ်ခုထားရှိကြောင်း မြန်မာနိုင်ငံကွန်ပျူတာအသင်း ချုပ် (MCF) မှ သတင်းရရှိသည်။

‘‘မြန်မာစာစနစ်နဲ့ပတ်သက် ပြီး ယူနီကုတ်ကို ပြောင်းလဲအသုံး ပြုလိုသူတွေအတွက် အဆင်မ ပြေမှုတွေ ကြုံတွေ့လာခဲ့ရင် အ လွယ်တကူဆက်သွယ်မေးမြန်း နိုင်ဖို့အတွက် ဝက်ဘ်ဆိုက်တစ်ခု နဲ့ Hot Line ဖုန်းနံပါတ်တစ်ခုထား ပြီးတော့ စတင်ဆောင်ရွက်နေပြီ ဖြစ်ပါတယ်။ တရားဝင်မကြေညာ ရသေးပေမယ့် ယူနီကုတ်နဲ့ပတ် သက်တဲ့ မေးမြန်းမှုတွေကို လက် ခံဖြေကြားမှုတွေ စလုပ်နေပြီဖြစ် ပါတယ်’’ဟု MCF အတွင်းရေးမှူး ဦးထွန်းသူရသက်က ပြောကြား သည်။

Unicode Technology Support (UTS) အဖွဲ့တွင် မြန်မာ MCF မှ ကျွမ်းကျင်သူများဖြင့် ပါဝင်ဖွဲ့စည်းထားပြီး http:/www.unicode.today/ ဝက်ဘ်ဆိုက် နှင့် Hot Line ဖုန်းနံပါတ် ၀၉- ၇၉၆၂၀၉၇၀၁ တို့တွင် လက်ခံ ဖြေရှင်းပေးလျက်ရှိပြီး ဖေ့စ်ဘွတ်ခ် ပေါ်တွင်လည်း Unicode Technology Support Myanmar အ မည်ဖြင့် Page တစ်ခုဖွင့်ကာ ယူ နီကုတ်နှင့်ပတ်သက်သည့် နည်း ပညာများကို ဖြန့်ဝေပေးလျက်ရှိ ကြောင်း သိရသည်။

‘‘ယူနီကုတ်ကို ပြောင်းပြီးသုံး ဖို့အတွက် Tool တွေ သုံးတဲ့အခါ အဆင်မပြေတာတွေရှိရင် ဖြေ ပေးမယ်။ ချက်ချင်းဖြေလို့မရသေး တဲ့ ကိစ္စဆိုရင် အဖြေရှာပြီးတော့ ပြန်အကြောင်းကြားပေးမယ်။ အဲ ဒီအတွက် MCF က ဝန်ထမ်းတွေ ကို သီးသန့်တာဝန်ပေးပြီး ဆောင် ရွက်စေမှာ ဖြစ်ပါတယ်’’ဟု ဦးထွန်းသူရသက်က ရှင်းပြသည်။

ပို့ဆောင်ရေးနှင့် ဆက်သွယ် ရေးဝန်ကြီးဌာနအနေဖြင့် ပြည် တွင်း၌ ဝန်ဆောင်မှုပေးနေသည့် မိုဘိုင်းဆက်သွယ်ရေး အော်ပရေ တာများကို အသုံးပြုသူများထံ SMS စာတိုများပေးပို့ရာတွင် ယူနီကုတ်ကို အသုံးပြု၍ပေးပို့ရန် အ ကြောင်းကြားစာ ပေးထားပြီးဖြစ် ကြောင်း မြန်မာနိုင်ငံကွန်ပျူတာ အသင်းချုပ်မှ သတင်းရရှိသည်။
Source ; 7 day