အင်္ဂလိပ်စာရိုက်ရာမှာ was ကို wsa, swa စသည်ဖြင့် ရိုက်၍မရပါ။ သို့သော် မြန်မာစာကို ရိုက်ရာမှာ အမြင်တိုင်းရိုက်ကြသည့်အတွက် ဖြစ်နိုင်သော အတွဲအဖတ် အများအပြားဖြစ်နေသည်ကို တွေ့ရပါသည်။ ဥပမာ ကို ဆိုသောစာလုံးကို ရိုက်ရာမှာ က+ိ +ု ဟုလည်းကောင်း က+ု +ိ ဟူလည်းကောင်း ရိုက်သော်လည်း အမြင်တွင် ကို ဟုသာ ပေါ်သည်ကို တွေ့နိုင်ပါသည်။ အမှန်အားဖြင့် "ကကြီး လုံးကြီးတင် တစ်ချောင်းငင် ကို" ဟု ငယ်စဉ်က ဆိုရေးခဲ့သည်အတိုင်း က+ိ +ု ဟုရေးမှသာ အစီအစဉ်မှန်ပါသည်။ သို့သော် လက်တွေ့တွင် အဆင်ပြေသလိုရိုက်ကြသလို စံသတ်မှတ်ထားခြင်းလည်း မရှိသည့် အတွက် အင်တာနက်မှ ပြန်လည်ရှာဖွေရာမှာ အခက်အခဲများ ဖြစ်လာကြပါသည်။ စာလုံးအစဉ်မတူညီသည့်အတွက် မတူညီသော စကားလုံးများအဖြစ် သိမ်းဆည်းပေးသည့်အတွက် ရှာဖွေရာကို ကိုယ်လိုချင်သောစာလုံးရရန် ခက်ခဲသည်ကို "ကိုကို" ဟူသော စာလုံးကို နမူနာရှာကြည့်ထားခြင်းဖြစ်ပါသည်။
မြန်မာအက္ခရာစဉ်ရာတွင် ၁။ ဗျည်းအက္ခရာစဉ် ၂။ ဗျည်းတွဲ ၃။ သရကာရန် ၄။ အသတ်ကာရန် ဟူ၍ ၄ ဆင့်ရှိပါသည်။ ၁။ ဗျည်းအက္ခရာစဉ် ****************** ဗျည်းအက္ခရာ စဉ်ရာတွင် က မှ အ အထိ အစဉ်လိုက်သာဖြစ်သည်။ မှတ်သားရန်မှာ ဉကလေးကို ညကြီးရှေ့တွင် စဉ်ရသည်။ ဥပမာ >>>ဗျည်းစဉ်များကို သိရန် အောက်ပါစာများကို အက္ခရာစဉ်ကြည့်ပါ။ အိတ်ကပ်၊ ခါသာ၊ မာလာ၊ ငါးသိုင်း၊ ဉာဏ၊ ညအခါ၊ ကတိ။ ကတိ၊ ခါသာ၊ ငါးသိုင်း၊ ဉာဏ၊ ညအခါ၊ မာလာ၊ အိတ်ကပ်။ ဟု အဖြေရပါသည်<<< ၂။ ဗျည်းတွဲ ********** ပင့်၊ရစ်၊ဆွဲ၊ထိုး သည် ယ၊ရ၊ဝ၊ဟ ၏ စာလုံးဆင့်ပုံစံ ဖြစ်ပါသည်။ ထို့ကြောင့် ယ၊ရ၊ဝ၊ဟ အစဉ်လိုက်အတိုင်းစဉ်ရသည်။ ကျ၊ကြ၊ကှ၊ကွ။ ကျွ၊ ကြွ။ ကျှ၊ကြှ၊ကွှ။ ကျွှ၊ကြွှ။ (ကဗျည်းနှင့် ပေါင်းပြထားပါသည်) ရှင်းအောင်ပြရပါက ကျ=က ယ။ ကြ=က ရ။ ကှ=က ဟ။ ကွ=က ဝ ကျွ=က ယ ဝ။ ကြွ=က ရ ဝ ကျှ=က ယ ဟ။ ကြှ=က ရ ဟ။ ကွှ=က ဝ ဟ ကျွှ=က ယ ဝ ဟ။ ကြွှ=က ရ ဝ ဟ ဖြစ်ပါသည်။ ဥပမာ >>>မျောက်ကြီး၊ မွဲတေ၊ မျှတ၊ မြို့မ၊ မှတ်ခြင်၊ မြွေပါ၊ မွှေးပျံ့။ မျောက်ကြီး၊ မြို့မ၊ မွဲတေ၊ မှတ်ခြင်၊ မြွေပါ၊ မျှတ၊ မွှေးပျံ့။ <<< ...
Comments
Post a Comment