My Blog, My Memo & Myanmars` Unicode

 Youtube ကို premium ဝယ်သုံးရင် ကောင်းပါတယ်။ ကျွန်တော်က ဝယ်သုံးလို့ မရတဲ့နိုင်ငံမှာ နေတဲ့အတွက် alternate နည်းလမ်းကို သုံးပါတယ်။  https://vanced.to/ Youtube app ထည့်ထားပြီး ဒီကောင်ကိုပါ ထပ်ထည့်ထားလို့ ရတာ က မိုက်ပါတယ်။ ဒီကောင်က microG နဲ့ အတူတူ အလုပ်လုပ်ပါတယ်။ ဆိုတော့ Google Support မရတဲ့ တရုတ်ဖုန်းတွေ xiaomi, huawei တွေမှာဆို Youtube သုံးချင်တယ်ဆို ဒီကောင်ကိုသာ သုံး။ မိုက်စေရမယ်။  ဘာလို့ ဒီလောက်ညွှန်းနေရလဲ ဆို အကြိုက်ဆုံး အချက်က Youtube က video တွေကို screen off ပြီး ဖွင့်ထားလို့ရလို့ပါ။ နောက်ထပ် မိုက်တာက PiP mode ရပါတယ်။ (Youtube က US က လွဲလို့ တခြားနိုင်ငံတချို့ကို PiP ရအောင် တော့ လုပ်ပေးလိုက်ပါပြီ။ US မှာ ဆိုရင်တော့ ပိုက်ဆံပေးပြီး ဝယ်ရတဲ့ feature တစ်ခုပေါ့။) ပြီးတော့ Youtube ရဲ့ Dislike ခလုတ်ကို ဒီမှာ ပြန်ထည့်ပေးထားပါတယ်။ သောက်ကျင့်ယုတ်လို့ ရတာပေါ့။ ဟဲဟဲ။ သူ့ website မှာတင် တခြား YouTube alternative တွေ ရှိပါသေးတယ်။ Youtube Revanced Extended တို့ Morphe တို့ပေါ့။ Telegram Revanced လည်း ရှိတယ်။ တခြား Revanced Reddit လည်း ရှိတယ်။ ကိုယ့်ဟာကို သာ အဆင်ပြေတာ ယူလိုက်ပေါ့။

 Telegram က တချို့  private channel and private group တွေမှာ download လုပ်လို့ မရအောင် လုပ်ထားလေ့ရှိပါတယ်။ (သင်တန်း group တွေရယ်၊ ရုပ်ရှင် channel တွေရယ်ပါ၊ တခြား မတွေးစေချင် :P ) အဲ့က download လုပ်မရအောင် ပိတ်ထားတဲ့ video တွေကို download လုပ်လို့ ရအောင် လုပ်တဲ့ နည်းတော့ ရှိပါတယ်။ ကျွန်တော် သုံးနေတာလည်း တစ်နှစ်လောက်ရှိပါပြီ။ သူက browser ကနေ သုံးမှပဲ ရတာပါ။ Telegram app ထဲကနေ သုံးလို့ မရပါဘူး။  အရင်ဆုံး user script manager ကို install လုပ်ရပါမယ်။ ကျွန်တော်ကတော့ Tampermonkey ကို သုံးပါမယ်။ https://www.tampermonkey.net/ ကိုယ်သုံးမယ့် browser ကို မူတည်ပြီး အောက်က link တွေကနေ တိုက်ရိုက် သွင်းလို့ ရပါတယ်။ Chrome:  Tampermonkey  or  Violentmonkey Firefox:  Greasemonkey ,  Tampermonkey , or  Violentmonkey Safari:  Tampermonkey  or  Userscripts Microsoft Edge:  Tampermonkey  or  Violentmonkey Opera:  Tampermonkey  or  Violentmonkey Maxthon:  Violentmonkey Add to Firefox ကိုနှိပ်ပြီး add ကို နှိပ်ပေးပါ။...

 English လိုကျ mulayit လို့ ရေးပြီး မြန်မာလိုကျ မုလအိ လို့ ရေးတယ်။ မွန် ဘာသာနဲ့  ကျတော့  ဒဵုမုဟ်လအိတ်  လို့ ရေးတယ်။  Click Wikipedia Link to read about မုလအိတောင် ခရီးစဉ် စီစဉ်တဲ့ သူတွေက မသွားခင် တစ်ရက်အလိုမှာပဲ ကားတွေ မရလို့ ခရီးစဉ်ဖျက်တယ် ပြောတာကို ကား မရလည်း ရတာနဲ့ တက်မယ် တောင်ခြေအထိပဲ ရအောင် စီစဉ်ပေးပါဆိုပြီး ပြောလို့ ခရီးက ထွက်ဖြစ်သွားတာ။  ရန်ကုန်ကနေ မော်လမြိုင်အထိ ရထားနဲ့ သွားတယ်။ Upper class ကနေ သွားရတာဆိုတော့ သက်တောင့်သက်သာပါပဲ။ ကားနဲ့ သွားတာနဲ့ ရထားနဲ့ သွားတာက ဘာကွာသလဲဆိုတော့ ဂိတ်တွေ မရှိတော့ ခဏခဏ အောက်မဆင်းရဘူး။ အာရုံမနောက်ရတော့ဘူးပေါ့။ ရထားနဲ့ သွားတာက ကားနဲ့ သွားတာထက် အချိန်တော့ ပိုပေးရတယ်။ ရထားပေါ်မှာ လက်ဖက်ရည်လေး ဝယ်သောက်လိုက်၊ ထမင်းပေါင်းလေး ဝယ်စားလိုက်၊ အိပ်လိုက် စာအုပ်ဖတ်လိုက်နဲ့ ဆိုတော့ ၈ နာရီ ကြာအောင် ရထားစီးရပေမယ့် အချိန်က ကုန်လို့ ကုန်မှန်းမသိဘူး ဖြစ်သွားတယ်။  မော်လမြိုင်ဘူတာကနေ ညအိပ်မယ့် အိမ်အထိကို Light truck နဲ့ ခရီးဆက်ရတယ်။ သင်္ကြန်တွင်းဆိုတော့ ကားပေါ်မှာ ရေ ပက်ခံရတာ၊ လွယ်အိတ်တွေနဲ့ တောင်တက်အိတ်တွေကို ရေလုံအောင် မလုပ်မိတော့ အထဲပ...

 ဒီပိုစ့်ကတော့ personal feeling ပါ။ သင်္ကြန်မှာ ရေကစားကြတဲ့သူတွေကို ဆူကြတဲ့ သူလည်း ရှိရဲ့။ မ ကစားရဘူး လို့ ပြောတဲ့ သူလည်း ရှိရဲ့။ ထုံးစံအတိုင်းပေါ့။ ဆိုတော့ ကိုယ်မြင်တာ တွေ့တာလေး ကို နည်းနည်းတော့ ပြောချင် ရေးချင်လာလို့ ရေးဖြစ်တာပါ။ တောထဲ က ရော်ဘဲတွေလည်း မြန်မာတွေပဲ မဟုတ်လား။ မြန်မာအတာသင်္ကြန်ကို ရေကစားချင်ရှာမှာပေါ့။ သူတို့ စိတ်တွေလည်း တိုက်ပွဲတွေကြောင့် ခဏတော့ အနားယူသင့်တယ် လို့ ကိုယ်တော့ ထင်တာပဲ။ (ဟို Mad A Low တွေ သင်္ကြန်တွင်းကြီး လေယာဉ်နဲ့ လိုက် လုပ်တာကတော့ ပြောမနေနဲ့တော့။) မော်လမြိုင်ရောက်တော့ သုံးဘီးဆရာက “ဒီနှစ်သင်္ကြန် အတော်စည်တယ်၊ လူတွေ မပျော်ရတာ ၅ နှစ်ရှိပြီလေ” ဆိုပြီး ပြောတယ်။  တိုက်တိုက်ဆိုင်ဆိုင်ပဲ ဒီနှစ် သင်္ကြန်မှာ KNU နယ်မြေထဲ ရောက်ဖြစ်သွားတယ်။ ဂိတ် တစ်ခုကို စ ရောက်တော့ “ညီလေးတို့ ရှေ့ဆက်သွားလို့ မရတော့ဘူး” လို့ လာ ပြောတယ်။ “ဘာဖြစ်လို့လဲ အကို” လို့ မေးတော့ “စတုဒီသာ အဝ စားပြီးမှ ရှေ့ဆက်သွားလို့ ရမယ် ညီလေး” တဲ့။ KNLA စစ်ဆေးရေး ဂိတ်ပါ။ DKBA ဂိတ် တစ်ခု နှစ်ခု ကိုလည်း ဖြတ်ခဲ့ရပါသေးတယ်။ ကရင် စစ်ဆေးရေး ဂိတ်တိုင်း ရေ ပက်ပါတယ်။ စည်ပိုင်းတွေချပြီးတော့ စပါယ်ရှယ် ပက်တာပါ။ ...

 Cross platform တွေ သုံးတော့ file transfer လုပ်ရ file sharing လုပ်ရတာ ခေါင်းစားတယ်။ အခုတော့ အဲ့ ခေါင်းကိုက်တာကို ဖြေရှင်းပေးမယ့် software တစ်ခုတွေ့ထားလို့ စမ်းသုံးကြည့်လိုက်တယ်။ Platform အကုန်နီးပါးလည်း ရတယ်။ မြန်လည်းမြန်တယ်။ UI ကလည်း သုံးရတာ ရှင်းတယ်၊ minimal ဖြစ်တယ်။ အခုတော့ android to iOS,iPadOS, MacOS မှာ အဆင်ပြေပြေ သုံးလို့ ရတယ်။ window to android,iOS ကတော့ စမ်းမကြည့်ရသေးဘူး။ အဆင်ပြေမယ်လို့ ထင်ရတာပဲ။ File ပို့မယ့် device နဲ့ လက်ခံမယ့် device က wifi တစ်ခုတည်းကို ချိတ်ထားမှ ရမယ်။ Android phone ကနေ hotspot လွင့်ပြီး iPhone ကနေ အဲ့ hotspot ကို ချိတ်ထားလိုက်ရင်လည်း file share လို့ ရတယ်။ Android to iOS မှာ Android phone ကနေ ပို့တဲ့ ပုံက iOS ရဲ့ Photo ထဲ တန်းရောက်သွားတာက အဆင်ပြေတယ် ပြောရမယ်။  စမ်းကြည့်ကြဦး။ https://localsend.org/

 HomePod နဲ့ သီချင်းနားထောင်တာ ဖြစ်ဖြစ်၊ ရုပ်ရှင်ကြည့်တာဖြစ်ဖြစ် Homepod ကို Speaker အနေနဲ့ သုံးတယ်ပေါ့။  သီချင်းနားထောင်တဲ့ ကိစ္စမှာကျတော့ အသံက တချက်ချက် ရပ်ရပ်သွားတယ်။ ဘာဖြစ်လို့လဲ ဆိုပြီး လိုက်ရှာကြည့်တော့ သူက bluetooth ကို မသုံးပဲ WiFi ကနေ streaming လုပ်နေတာမို့ တဲ့။ ရုပ်ရှင်ကြည့်တော့ ပိုဆိုးသွားတယ်။ အသံက တချက်တချက် ရပ်သွားယုံတင်မကဘူး၊ အသံက နောက်ကျနေသေးတာ။ 2 sec လောက် အထိကို တခါတလေ နောက်ကျတယ်။ ရုပ်ရှင်ထဲမှာ သေနတ်က ပစ်ပြီးသွားပြီ ခဏနေမှ ဒိုင်းဒိုင်း ဆိုပြီး အသံထွက်လာတာကိုး။ အတော်ဖီးလ်ကွေးတာ။  အဲ့တာ ဘယ်လို fix ရမလဲ လိုက်ရှာတော့ Air Play နဲ့မှ ပဲ ရတယ်တဲ့။ Youtube ကြည့်တယ်ဆိုရင် တောင်မှ Safari ကနေပဲ ကြည့်။ အဲ့ကျမှ Air Play က အလုပ် လုပ်ပြန်တယ်။ Air Play နဲ့ကျတော့ အသံ နောက်ကျတာ မဖြစ်တော့ဘူး။ အဲ့တော့ HomePod က ဖုန်းနဲ့ ဖြစ်ဖြစ် iPad နဲ့ ဖြစ်ဖြစ် အဆင်ပြေတယ်။ ဒါတောင် Air Play နဲ့ပဲ ပြေမှာနော်။ MacBook နဲ့ တွဲမယ်ဆို ပြေမှာ မဟုတ်ပါဘူးလို့။